Dəri və Karton qutular
Hədiyyə qutuları məhsul və hədiyyələrin estetik, təhlükəsiz və təqdimatlı şəkildə qablaşdırılması üçün istifadə olunur. Qutu istehsalı zamanı məhsulun ölçüsünə və çəkisinə uyğun olaraq müxtəlif qalınlıqda karton və digər materiallar seçilir. İstehsal prosesində kəsmə, laminasiya, laklama, folqa və digər çap texnologiyalarından istifadə edilə bilər.
Qutu cildləmə qutunun üz hissəsinin xüsusi kağız, dizayn kağızı, dəri və ya parça materiallarla örtülməsi prosesidir. Bu üsul qutuya daha premium və möhkəm görnüş verir. Karton qutular həm sərt (rigid) qutu, həm də qatlanan qutu görnüşündə hazırlana bilər və ekoloji cəhətdən əlverişli qablaşdırma sayılır.
Hədiyyə qutuları əsasən korporativ hədiyyələr, promo məhsullar, kosmetika, ətir, tekstil, şirniyyat və müxtəlif satış məhsullarının qablaşdırılması üçün istifadə olunur və brend loqosu ilə fərdiləşdirilə bilər.
Məruzə qovluqları
Məruzə qovluqları və dəri qovluqlar sənədlərin qorunması, təqdimatı və korporativ istifadə üçün nəzərdə tutulmuş poliqrafiya məhsullarıdır. Məruzə qovluqları əsasən karton materialdan hazırlanır, üzərində şirkət loqosu, məlumatlar və dizayn elementləri çap edilə bilər. Bu qovluqlar təqdimatlar, müqavilələr, sənəd paketləri və rəsmi yazışmalar üçün geniş istifadə olunur. Dəri qovluqlar xüsusi üzlük materialı ilə hazırlanan, davamlı və estetik görünüşə malik qovluqlardır. Adətən süni və ya təbii dəri materialdan hazırlanır, üzərinə loqo embos, folqa və ya UV çap üsulu ilə tətbiq olunur.
Menyular və çek kitabları
Menyular və çek kitabları restoran, kafe və otellərdə istifadə olunan vacib çap və təqdimat məhsullarıdır. Menyu çapı zamanı menyular brend dizaynına uyğun hazırlanır, müxtəlif ölçü, kağız və üzlük materialları seçilə bilər. Menyular laminasiya, lak və ya digər qoruyucu örtüklərlə daha uzunömürlü edilir.
Dəri menyular daha premium seqment üçün istifadə olunur və əsasən restoran, hotel və lounge məkanlarda üstünlük verilir. Dəri üzlüklü menyular həm estetik görünüş yaradır, həm də uzun müddət istifadə üçün davamlı olur. Çek kitabları (checkbook) da menyulara uyğun dizaynda hazırlanaraq hesabın müştəriyə səliqəli və peşəkar təqdim olunması üçün istifadə edilir.
